Descubrindo a historia de Catoira

  Na parroquia do Oeste existe un cruceiro, que posiblemente sexa o máis novo do Concello, o cal elevaría a 32 cruceiros do total dos que existen en Catoira. O cruceiro de Bouzameán (chamado así polo topónimo) foi creado aproximadamente no 2006 por Ángel Lijo, o propietario é Valentín García Bustelo. O cruceiro non pode ser catalogado debido a unha lei que contempla que ten que ser anterior a 1901, como os hórreos. Excepcionalmente, pódese catalogar outros posteriores se teñen unhas características especiais, pero non é o caso. A todo isto, si pódese considerar que é unha obra de arte contemporánea. Cruceiro tipo Cruz (sen figura de Cristo). A plataforma está formada por 3 chanzos (escalóns) de formas cuadrangular con unhas curiosas liñas sobre os chanzos formando círculos. O pedestal ou dado é cuadrangular na parte inferior e circular na parte superior. Fuste de sección circular. Capitel tamén de sección circular, con forma irregular. Cruz latina de sección circular. Un sudario or...

Na zoa do Barral, parroquia de Catoira, preto da Igrexa de San Miguel de Catoira hai un cruceiro. Cruceiro de Barral.   Un cruceiro  é un dos símbolos máis representativos de Galicia e hai case sete séculos que comezou a estenderse a práctica de sacralizar signos e lugares pagáns ou de santificar acontecementos con este símbolo. Os canteiros máis ilustres de cada época plasmaron os seus mellores oficios neste singular monumento que fala por si mesmo da relixiosidade dun pobo que soubo expresar a súa fe, amor e medo na cruz de pedra. Pero os cruceiros tamén se criaban en acción de grazas ou para pedir unha curación, un milagre ou para saldar unha débeda ou unha oferta non cumprida co Todopoderoso. Outros levantáronse para lembrar feitos tráxicos, unha morte, un crime... Pero tamén lembrando feitos históricos ou a suposta aparición da Santa Compaña. Por sagrado que era, convertía en sagrado o lugar onde estaba colocado. Rezando diante del gañábanse indulxencias, cando a Igrexa a...